Nipi qëlloi me armë gjyqtarin Kalaja, Apeli i Tiranës rrëzon kërkesën e Gjon Shkambit për lirimin nga qelia

13:22 | 11 Nëntor 2025
E.G

Gjykata e Apelit me Juridiksion të Përgjithshëm Tiranë ka rrëzuar kërkesën e Gjon Shkambit për ta liruar nga qeli. Me argumentin se nuk është autori i krimit që tronditi vendin me vrasjen e gjyqtarit Astrit Kalaja si dhe plagosjen e dy personave të tjerë palë në proces, Shkambi iu drejtua Apelit me ankim ndaj arrestit në burg caktuar nga Shkalla e Parë.

Gjon Shkambi pretendon se nuk ka pasur dijeni për veprimet e nipit të tij Elvis Shkambi që qëlloi me armë zjarri brenda seancë së gjyqit, gjyqtarit Kalaja, sapo ky i fundit lexoi vendimin kundër kërkesës së tij lidhur me një konflikt pronësie.

Nipi 30-vjeçar, Elvis Shkambi, që ndodhet gjithashtu në paraburgim, nuk e kishte apeluar vendimin për të kërkuar ndryshim të masës së sigurisë.

/rtsh.al/